Sajni tere saath samay ka pata na chale
Aur tere bin, na din na raat dhale;
Ghanto saath baithe rahein
Subah ko shaam karte rahein
Tab bhi lage kuch pal to hue hain
Armaan kaha abhi pure hue hain;
Tujh se door pal pal sadiyo jaisa
Samay aisa thehra hua ho jaisa;
Tab bhi na man bhare
Door jaane ko na dil kare;
Tujh ko baaho mai lena chahu
Tujhko jag se main harna chahu
Birha biite ye jaldi jaldi
Tujhse bahut hain baatein karni;
Pal ye beetein paas aa jaye tu
Phir na door kabhi jaye tu.
No comments:
Post a Comment