Sach Much Bhula Dogi?

Kya tum mujhko bhula bhi dogi?

Kya phir kabhi sada na dogi?

Dard mai, dukh mai, kisko pukarogi,

Khushi mai mujhe seenai se lipta na logi?

Main jo rounga to mujhe na manaogi,

Meri pukar pe kya tum na ro padogi?

Main tanha hu in deewaro ke beech, bas tanha,

Mujhe kya yuhi tanha chodh dogi?

Main jo chalunga to bhatak jaunga kahi,

Aaagey badh kar mera hath na thaam logi?

Har taraf andhera aur andhere mai main,

Kya tum mere jiwan ko roshan na karogi?

Mana ki mere bina ji logi tum ab,

Apne bina kya ab mujhe tum jeenai dogi?

Tum kehti ho na aaogi kabhi ab,

Mera dil kehta hai ki bas ab pukarogi.

Tune kya kar diya jaan

Ye mujhko kya ho gaya hai? Ye tumne kya kar diya hai?
Labo se choo kar mere lab, mujhe deewana kar diya hai.

Duniya ki uljhano mai phansa hua tha aaj talak main har pal,
Chura kar mera ye dil, mujhe tune jaawedaan kar diya hai.

Log mujhe ab tere hi to naam se pukarne lage hain,
Muhabbat ne teri aik aisa asar kar diya hai.

Main tujhse milne ko meelo safar tay karta hu,
Pyaar mai tune mujhe khanabadosh musafir kar diya hai.

Aaj tak mujhe apna bhi thikana na maloom tha,
Tere hone ne mujhe ehsas e deewar o dar diya hai.

Kya main usko pyar karta hu?

Kal achanak yu hi baithe baithe, pooch liya usne mujhse
Kya main usko pyar karta hu?
Kya main uspe marta hu?
Kya wahi mere dil mai rehti hai?
Wahi kya saanso mai behti hai?
Main chup laga gaya us pal, koi jawab na de paya;
Mujhse ye sawal kiya usne, ye khayal bhi usko kaise aaya?
Kya meri aankhe nahi dikhti,
Kya meri baatein nahi sunti,
Kya mere geet nahi sunti,
Kya meri nazme nahi padhti?
Kya wo kuch bhi nahi karti?
Mera har pal uske naam hota hai,
Din uske liye hi shaam hota hai,
Uske har dukh se mujhko kaam hota hai,
Khush wo ho to dil ko aaraam hota hai.
Ye sab hai, aur tab bhi saath uske;
Ye sawaal bhi hai,
Kya main usko pyar karta hu?
Kya main uspe marta hu?
Kya ab dil hi cheerna hoga?
Kya jigar saamne rakhna hoga?
Par wo bhi kaise,
Tab bhi kya usko aitbaar hoga?