Door Se Dekha

Door se dekha,
Jee bhar dekha,
Tak tak usko,
Pal pal dekha;
Jee phir bhi na mana mera,
Uski yaado ka bas laga hai ghera,
Ab chahat aur badh chali hai,
Dil kahe kyu na gale lagaya maine,
Kyu kewal door se dekha.
Ab aankho mai uski tasveer basi hai,
Wahi jo mer juhi ki kali hai,
Usmai meri dhadkan basi hai,
Phir bhi na jane kyu,
Maine kewal door se dekha,
Usko pal pal tak kar dekha,
Maine kewal door se dekha.

Raat bhar

Tujhse milna tujhe chhoona
Paakar tujhe phir se khona,
Mujhe rulata raat bhar hai
Yuun tujhse door hona.
Kaise shab e gham guzaru
Jab na teri zulf sawaru,
Tu kar ishara mujhko
Ye dil o jaan tujhpe waaru;
Ye shaam dhal chuki hai,
Shmma har jal uthi hai,
Mere dil se pooch jaana
Kaisi ek khalish si lagi hai.
Raat guzar bhi jaye,
Naya din bhi jo saath laye,
Sawera suraj ke saath aaye
Par qarar e dil kaha se laaye.

uske aane se

Meri zindagi khiza ka mausam tha, uske aane se bahhar aayi hai

Barso se pada hua tha sookha, uski zulfo se ghata chhaayi hai.

Aur jab doob chala tha jivan mai mere suraj sada ke liye

Karne roshan zindagi wo chaand ban ke aayi hai.

Jo bhi sadaa aati thi, dukh ka paighaam lati thi,

Sadiyo ke baad, wo naamabar khushi ka paigham layi hai.

Jis ke baare mai bas kahaniyo qisso mai padha tha,

Wahi jannat ki khubsurti uske chehre mai paayi hai.

Nadaan tha main, pareshaan tha main, tanha guzar raha tha safar

Hai muhabbat jo shaiy ye usne hi to dikhayi hai.

Aur ye jo padh rahe ho tum ghazal ki tarah,

Ye uski ankho se likhi mere dil par likhayi hai.

Kissa amma ka

amma ne meri ye kissa sunaya tha
jadugar tha ek naam uska maya tha
marta nahi tha wo kisi hathiyar se
raaz ye janne ko lage kai aiyyar the
par,
ek tote mai qaid uski jaan thi
kissa ye purana hai
lagta bada suhana hai
meri amma ne kissa ye sunaya tha
sunkar kissa mujhko bada bhaya tha
par,
tha mai nadaan
is baat se anjaan
ki ye meri apni kahani hai
jaan meri hai kisi mai qaid
par wo tota nahi rani hai
amma ne meri ye kissa sunaya tha
rani ko lekin meri jaan se hi dushmani aa thehri hai
kehta hu tujh mai jaan hai meri, khayal rakh apna
par wo lagta bilkul behri hai
tarah tarah se khud ko dukhati hai
chot ke naye tariqe ijaad kar laati hai
aur jaan ko meri mushkil mai le aati hai
amma ne kissa ye ssunaya tha
par tota to dushman e jaan na tha
meri rani kyu khayal apna nahi rakh pati hai
usme hai jaan kya baat samajh nahi aati hai

So jao jaan

Tum thaki ho jaan meri, aao meri goad mai sar rakho aur so jao,

So jao, ke rang birange khwabo mai kho jao;

Yaha meri goad mai rakha tumhara sar mehfooz hai,

Har bala har pareshani se,

Kitna khubsuarat ye chehra hai tumhara,

Jise goad mai rakh main niharta hu,

Aur dhire se teri zulfe sawarta hu,

Tere maathe ko choom kar,

Teri ankho se labo ko lagata hu,

Kitna khubsurat chehra hai.

Tum so jao tum thak gayi hogi

Din bhar ki bhag daud se

Likhne se ungliya dard karti hongi

Padhne se ankhe dukh rahi hongi

Kamar baithe baithe thaki hogi

Aao jaan tum meri goad mai sar rakho aur so jao

Rang birange sapno mai kho jao

Aao so jao, so jao, so jao.......